Sunnudaginn 22. maí 2016 verður haldin aðalfundur Hvítasunnukirkjunnar á Selfossi.

Fundurinn fer fram eftir samkomu klukkan 11:00 og verður boðið upp á léttan hádegisverð á milli samkomu og fundar.

Allir skráðir meðlimir kirkjunnar er hvattir til þess að mæta.

Dagskrá aðalfundar

1. Fundur settur.

2. Kosning fundarstjóra.

3. Kosning fundarritara.

4. Skýrsla stjórnar.

5. Ársreikningar útskýrðir, greinagerð endurskoðenda lesin og reikningar bornir upp til samþykktar eftir að stjórn kirkjunnar hefur samþykkt reikningana.

6. Skýrslur starfsgreina kirkjunnar.

7. Önnur mál.
   1. Endurnýjun á umboði til stjórnarsetu

Mándudaginn 25. janúar var haldið upp á 7 ára afmælit Celebrate Recovery á Íslandi. Þetta kristna 12 spora starf er fyrir lögu orðið ein af grunnstoðunum í Hvítasunnukirkjunni á Selfossi og hefur stuðlað að heilbrigði og bata í lífum fjölmargra, og mun vonandi halda áfram um ókomna tíð.

Hvernig myndi líf þitt vera ef Jesús lifði því?

Ímyndaðu þér breytinguna sem þú myndir upplifa á hugarfari þínu, gjörðum og samböndum við annað fólk. Hugsaðu um gleðina og frelsið sem gæti umbreytt öllum þáttum lífs þíns.

Þetta er einmitt það sem Guð hefur í huga fyrir þig! Í bókinni "Vöxtur: Þjálfun í stað áreynslu" kemstu að því hvernig þú ferð að þessu. Með námi sem beint er að hverjum og einum persónulega og með þátttöku í hópastarfi þá kemur kennslan í þessari bók þér á þá braut að lifa í anda Jesú – eins og enginn nema þú getur. Það gerist ekki með því að rembast eins og rjúpan við staurinn heldur með því að æfa sig. Með því að leggja rækt við trúna – orðið, bæn, einveru, þolgæði, kærleika gagnvart öðrum – þá muntu uppgötva gleðina við að láta Krist umbreyta þér og frelsið við að lifa hvern dag og láta kraft hans styðja þig.

Þessi bók er hluti af ritröðinni "Að vinna að andlegri umbreytingu" sem kynnir nýja nálgun, byggða á ritningunni, til að hugsa um og upplifa líf þitt með Guði. Hver kafli rís gegn þeim algengu viðhorfum að það að „reyna bara meira“ muni leiða til þess að verða líkari Jesú. Í staðinn hjálpar þessi ritröð þér að bera kennsl á venjur, reynslu og sambönd sem Guð getur notað til að hjálpa þér við að verða sú manneskja sem hann vill að þú verðir.

Í 7 vikur fyrir páska, frá 7.feb til og með 20.mars munum við í Hvítasunnukirkjunni á Selfossi taka þessa bók fyrir, predika útfrá bókinni á sunnudögum, koma saman í heimahópum til að ræða og vinna efni úr bókinni og svo hvert fyrir sig vinna í Biblíulestrum og heimaverkefnum sem allt er í bóknni.

Hvernig get ég verið með?

Einfalt! Bókin verður til sölu bæði í Hvítasunnukirkjunni á Selfossi og í Fíladelfíu í Reykjavík. Ef þú ert ekki þegar í heimahóp þá skaltu falast eftir því við einhvern úr forystu kirkjunnar og við finnum hóp fyrir þig. Að vinna efni bókarinnar með öðrum í hóp er afar mikilvægt. Komdu svo á samkomur og vertu með frá byrjun!

Smelltu hér til að lesa formálann að bókinni.

Smelltu hér til að senda okkur fyrirspurn varðandi þetta verkefni.