Hvítasunnukirkjan á Selfossi Nytjamarkaður

Nytjamarkaður

Hvítasunnukirkjan setti á stofn nytjamarkað þann 1. des 2008. Markaðurinn byrjaði í Kjarnanum á Selfossi, síðar flutti hann í húsnæði við Austurvegi á horni Hörðuvalla. Nú er markaðurinn hinsvegar komin í húsnæði við Eyrarveg 3 á Selfossi. Markaðurinn hefur gengið vonum framan og hefur fólk verið afar duglegt við að koma með og gefa notaðar vörur. Mikil aðsókn hefur verið í markaðinn og daglega gera margir frábær kaup.

Markaðurinn er opinn frá kl. 13 - 18 alla virka daga og kl: 10-14 um helgar.

Ágóði af nytjamarkaðnum fer í ýmis góð málefni. Við styrkjum ABC barnahjálp sem hjálpar börnum út um allan heim. Stór hluti af því sem við gefum fer síðan í það að hjálpa þeim sem minna mega sín hér heima. M.a. erum við í samstarfi við félagsmálayfirvöld í Árborg varðandi úthlutanir á matar inneignarkortum.

Ef þú átt vörur sem þú villt gefa getur þú komið með þær á markaðinn á opnunartíma eða hringt í síma 6998215.

Einnig er alltaf þörf á sjálfboðaliðum og þú getur hringt í síma: 6998215 ef þú vilt gefa af tíma þínum.

Frá og með 1. janúar 2012 hafa verið gefnar út nýjar úthlutunarreglur hjálparsjóðs Hvítasunnukirkjunnar á Selfossi. Til þess að aðstoðin nýtist best þeim sem mest þurfa á henni að halda eru breytingarnar nauðsynlegar. Felast þær meðal annars í því að nú þarf fólk sýna fram á fjárhagslega stöðu sína eins og sjá má í reglum hér að neðan.

1. Úthlutun fer fram milli klukkan 16:30 og 17:30 á þriðjudögum

í Hvítasunnukirkjunni á Selfossi nema fyrsta þriðjudag hvers mánaðar.

Gengið er inn sunnan við húsið og upp á loft til vinstri.

2. Hver einstaklingur í brýnni þörf getur mest fengið úthlutað þrisvar

sinnum á hverju 12 mánaða tímabili. Ekki er heimilt að víkja frá

þessari reglu.

3. Aðeins er hægt að úthluta einu sinni á hverja fjölskyldu

að hámarki þrisvar á 12 mánaða tímabili.

4. Skilyrði fyrir úthutun:

Sýna þarf launaseðla síðustu tveggja mánaða þegar sótt er um úthlutun
Til þess að geta sótt um úthlutun þarf einstaklingur að sækja stutt og hagnýtt fjármálanámskeið sem Hvítasunnukirkjan býður upp á, fólki að kostnaðarlausu. Námskeiðin verða haldin með jöfnu millibili og hægt er að skrá sig á þau með því að senda póst á netfangið skrifstofa@selfossgospel.is