Lífið er engin tilviljun

,,DNA er eins og hugbúnaður, en miklu, miklu háþróaðri heldur en nokkur hugbúnaður sem hefur verið skrifaður.” - Bill Gates

Hinar gríðarmiklu sannanir fyrir hönnun er að finna í margbreytileika lífsins á smæstu stigum þess. Ekki aðeins virðist lífið vera hannað heldur einnig skipulagt í þaula. Líkurnar á að þetta gerist fyrir tilviljun eru svo hverfandi litlar að guðleysingjar verða að stinga upp á óteljandi mörgum alheimum til að útskýra þær.

DNA - Lífið er engin tilviljun

Þróunarkenningu Darwins tekst ekki að gera grein fyrir öllum margbreytileika og fjölbreytni lífsins. Sú staðreynd að ákveðin virkni lífsins er flókin og verður ekki einfölduð, sem þýðir að hún getur ekki virkað án þess að allir hlutar séu til staðar í einu, bendir til tilvistar vitsmunalegs hönnuðar.

Ekki hefur tekist að sýna fram á hvernig lífið varð til í upphafi þar sem aðstæður á jörðinni á þeim tíma sem líf er talið hafa kviknað virðast hafa verið lífi mjög fjandsamlegar. Að lokum birtist lífið skyndilega í steingervingaskrám (kambríumsprengingin) og breytist síðan lítillega. Samfelld saga þróunar er einfaldlega ekki til staðar. Þessar eyður benda til þeirrar staðreyndar að lífið í sínum stóru dráttum hafi verið hannað með genetíska möguleika á að aðlagast og stilla sig að breyttu umhverfi en sé takmarkað hvað varðar þá möguleika að breytast í algerlega aðra tegund.

Þetta og fleira til leiðir okkur að þeim endanlega sannleik að lífið er engin tilviljun. Vegna þess að lífið er engin tilviljun þá getur mannlegt líf haft sanna merkingu og tilgang. Það er að segja að Guð er til og hann skapaði þig og hafði ákveðinn tilgang með því. Og það ótrúlega er að þessi stórkostlegi Guð sem hefur skapað allt hefur áhuga á þér og vill eiga samskipti við þig og hann vill að þú leitir til hans svo hann geti kennt þér hvað er rétt og hvaða veg þú átt að ganga. Guð hefur nefnilega áætlun með líf þitt eins og hann segir í Jeremía 29:11: Því að ég þekki sjálfur þær fyrirætlanir sem ég hef í hyggju með yður, segir Drottinn, fyrirætlanir til heilla en ekki til óhamingju, að veita yður vonarríka framtíð.

Þessi pistill tilheyrir ræðuröðinni Guð er ekki dáinn. Það er einnig hægt að sækja umræðuspurningar fyrir þetta efni.

Þorsteinn Jóhannesson skrifaði þennan pistil uppúr efni bókarinnar Guð er ekki dáinn eftir Dr. Rice Broocks.